నందమూరి కళ్యాణ్‌ రామ్‌ నటిస్తున్న తాజా చిత్రం ‘డెవిల్‌’. ది బ్రిటీష్‌ సీక్రెట్‌ ఏజెంట్‌ అనేది ట్యాగ్‌ లైన్‌. సంయుక్తా మీనన్‌, మాళవికా నాయర్‌ హీరోయిన్స్‌. అభిషేక్‌ పిక్చర్స్‌ బ్యానర్‌పై అభిషేక్‌ నామా దర్శక, నిర్మాతగా ఈ సినిమాను రూపొందించారు. ఈనెల 29న ప్రపంచ వ్యాప్తంగా సినిమా భారీ ఎత్తున విడుదలవుతుంది. రీసెంట్‌గా విడుదలైన ఈ చిత్ర మూవీ ట్రైలర్‌కు ఎక్స్‌ట్రార్డినరీ రెస్పాన్స్‌ వచ్చింది. పీరియాడిక్‌ జోనర్‌లో రిలీజ్‌ అవుతున్న ఈ చిత్రం ఆడియెన్స్‌కి ఓ సరికొత్త సినిమాటిక్‌ ఎక్స్‌పీరియెన్స్‌ ఇస్తుంది. లేటెస్ట్‌గా ఈ చిత్రం సెన్సార్‌ కార్యక్రమాలను పూర్తి చేసుకుని యు/ఎ సర్టిఫికేట్‌ను పొందింది. 2 గంటల 26 నిమిషాలుగా రన్‌ టైమ్‌ను ఫిక్స్‌ చేశారు. ఈ సినిమాపై పాజిటివ్‌ టాక్‌ రావటంతో అందరూ ఎంతో ఆసక్తిగా ఎదురు చూస్తున్నారు. కళ్యాణ్‌ రామ్‌ స్టైలిష్‌ యాక్షన్‌ సీక్వెన్స్‌ ప్రేక్షకులను మెప్పించనున్నాయి. దీంతో పాటు డ్రామా, థ్రిల్లింగ్‌ ఎలిమెంట్స్‌ ఆడియెన్స్‌ని అలరించనున్నాయి. తెలుగులో అద్భుతమైన చిత్రాలను రూపొందించిన అభిషేక్‌ పిక్చర్స్‌ బ్యానర్‌పై ఈ మూవీ రానుంది. ప్రొడక్షన్‌ డిజైనర్‌ గాంధీ నడికుడికర్‌ ఆధ్వర్యంలో డెవిల్‌ సినిమా కోసం ఓ ప్రత్యేకమైన లోకాన్ని క్రియేట్‌ చేశారు. దీనికి సౌందర్‌ రాజన్‌ సినిమాటోగ్రఫీ తోడు కావటంతో విజువల్స్‌ నెక్ట్స్‌ రేంజ్‌లో మెస్మరైజ్‌ చేయనున్నాయి. తమ్మిరాజు ఎడిటర్‌గా వర్క్‌ చేసిన ఈ చిత్రానికి శ్రీకాంత్‌ విస్సా కథ, స్క్రీన్‌ ప్లే, మాటలను అందించారు.
