– పాలడుగు వెంకటకృష్ణ కాంగ్రెస్ మండల అధ్యక్షులునవతెలంగాణ- గోవిందరావుపేట: వరద బాధితులకు రాష్ట్ర ప్రభుత్వం డబుల్ బెడ్ రూమ్ గృహాలు నిర్మించి ఇవ్వాలని కాంగ్రెస్ పార్టీ మండల అధ్యక్షులు వెంకటకృష్ణ ప్రభుత్వాన్ని డిమాండ్ చేశారు. శుక్రవారం నేతాజీ నగర్ గ్రామంలో వరదల వల్ల నష్టపోయిన 50 కుటుంబాలకు దాతల సహకారంతో నిత్యవసర వస్తువులను కాంగ్రెస్ పార్టీ ఆధ్వర్యంలో పంపిణీ చేశారు. తెలంగాణ రాష్ట్రంలో వరదల వలన ప్రాణాలు కోల్పోతుంటే చర్యలు చేపట్టకుండా ప్రభుత్వం నిర్లక్ష్యంగా వ్యవహరిస్తోందని అన్నారు. అలాగే భారీ వర్షాలు ఉన్నాయని వాతావరణ శాఖ వారు ముందుగా హెచ్చరించిన కూడా ముందస్తు చర్యలు చేపట్టకుండా ఇంత నష్టానికి పరోక్షముగా కారకులయ్యారు అని అన్నారు. ములుగు నియోజకవర్గంలో నేను స్వచ్ఛంద సేవ సంస్థల ద్వారా వరద బాధితులకు కనీస అవసరాలను తీరుస్తూ క్షణం తీరిక లేకుండా గడుపుతున్న అని, కానీ మీరు మాత్రం కనీసంగా వరదల గురించి మాట్లాడకుండా ఉండడం విడ్డూరంగా ఉందని, వరదల్లో చిక్కుకుని మృతి చెందిన కుటుంబాలకు వెంటనే 5లక్షల రూపాయలు, ఇండ్లు కోల్పోయి సర్వస్వం కోల్పోయిన వారికి డబుల్ బెడ్ రూం ఇండ్లు కట్టించి, వంట సామాగ్రి కొరకు లక్ష రూపాయల సహాయం, నీట మునిగిన ఇండ్లకు లక్ష రూపాయల సహాయం అందించాలని, అలాగే వరదల వల్ల పొలాల్లో ఇసుక మేటలు పెట్టి పంటలు దెబ్బతిన్నాయని, ఎకరానికి 30,000/- రూపాయల తక్షణ సహాయం అందించాలని సీఎం కెసిఆర్ గారిని డిమాండ్ చేశారు.ఈ కార్యక్రమంలో పులుగుజు వెంకన్న ఎస్ ఎస్ చైర్మన్ పొన్నాల ఎల్లారెడ్డి మండల ఇంఛార్జి కొంపెల్లి శ్రీనివాస్ రెడ్డి, మండల వర్కింగ్ ప్రెసిడెంట్ రసపుత్ సీతారాంనాయక్, బద్దం లింగారెడ్డి, దేపాక కృష్ణ, పంగ శ్రీను, కొర్ర శ్రీను తదితర నాయకులు పాల్గొన్నారు.
