నవతెలంగాణ- జమ్మూ కశ్మీర్‌: పోలీసులు, సైన్యం సంయుక్తంగా ఉగ్ర కుట్రను భగ్నం చేశాయి. బుద్గామ్‌లో ఐదుగురు ఉగ్రవాదులను బలగాలు అరెస్టు చేశాయి. వారి నుంచి భారీగా ఆయుధాలను స్వాధీనం చేసుకున్నాయి. ఉగ్రవాదులకు లష్కరేతోయిబాతో సంబంధాలున్నట్లు తెలుస్తున్నది. అమర్‌నాథ్‌ యాత్రను ఆటంకం కలిగించాలని ఉగ్రవాదులు లక్ష్యంగా పెట్టుకున్నట్లు సమాచారం. ఈ క్రమంలో ఉగ్రవాదుల ఆచూకీ మేరకు పోలీసులకు సమాచారం అందించింది. ఈ మేరకు పోలీసులు, భద్రతా బలగాలు సంయుక్తంగా ఆపరేషన్‌ నిర్వహించి వారిని అరెస్టు చేశాయి. అరెస్టయిన వారిని రౌఫ్ అహ్మద్, హిలాల్ మాలిక్, తౌఫిక్ దార్, డానిష్ అహ్మద్, షౌకత్ అలీగా గుర్తించారు.
