![](https://dev.navatelangana.com/wp-content/uploads/2023/09/IMG-20230906-WA0032.jpg)
నవతెలంగాణ – కమ్మర్ పల్లి
మండలంలోని ఉప్లూర్ అంగన్వాడీ కేంద్రంలో పోషణ మాసంలో భాగంగా బుధవారం కృష్ణాష్టమి పండుగ వేడుకలను ఘనంగా నిర్వహించారు. ఈ సందర్భంగా చిన్ని కృష్ణుడు, గోపికల వేషధారణలో ఉన్న చిన్నారులు తమ ఆటలతో అలరించారు. ఆనందోత్సవాల మధ్య చిన్ని కృష్ణుని వేషధారణతో ఉన్న చిన్నారులతో ఉట్టి కొట్టించే కార్యక్రమాన్ని నిర్వహించారు.అనంతరం వెల్ బేబీ షో, పలువురు చిన్నారులకు అన్నప్రాసన కార్యక్రమాన్ని నిర్వహించారు. ఈ సందర్భంగా భీంగల్ ఐసిడిఎస్ మండల పర్యవేక్షకురాలు సరస్వతి చిన్నారుల తల్లులు, గర్భవతులను పోషణ మాసంపై అవగాహన కల్పించారు. అర్హులైన ప్రతి ఒక్కరు అంగన్వాడీ కేంద్రాలను సద్వినియోగం చేసుకోవాలని సూచించారు. అంగన్వాడి కేంద్రాల ద్వారా గర్భిణీలు, బాలింతలకు పౌష్టికాహారం తో పాటు చిన్నారులకు ఆటపాటలతో, క్రమశిక్షణతో కూడిన విజ్ఞానం అందుతుందన్నారు. గర్భిణీలు, బాలింతలు పోషకాలతో కూడిన పౌష్టికాహారాన్ని తీసుకోవడం వల్ల పుట్టబోయే, పుట్టిన బిడ్డలు ఆరోగ్యంగా ఉంటారన్నారు. ఈ కార్యక్రమంలో అంగన్వాడీ టీచర్లు సరిత, శోభా, పద్మ, ఆయాలు, తదితరులు పాల్గొన్నారు.
మండలంలోని ఉప్లూర్ అంగన్వాడీ కేంద్రంలో పోషణ మాసంలో భాగంగా బుధవారం కృష్ణాష్టమి పండుగ వేడుకలను ఘనంగా నిర్వహించారు. ఈ సందర్భంగా చిన్ని కృష్ణుడు, గోపికల వేషధారణలో ఉన్న చిన్నారులు తమ ఆటలతో అలరించారు. ఆనందోత్సవాల మధ్య చిన్ని కృష్ణుని వేషధారణతో ఉన్న చిన్నారులతో ఉట్టి కొట్టించే కార్యక్రమాన్ని నిర్వహించారు.అనంతరం వెల్ బేబీ షో, పలువురు చిన్నారులకు అన్నప్రాసన కార్యక్రమాన్ని నిర్వహించారు. ఈ సందర్భంగా భీంగల్ ఐసిడిఎస్ మండల పర్యవేక్షకురాలు సరస్వతి చిన్నారుల తల్లులు, గర్భవతులను పోషణ మాసంపై అవగాహన కల్పించారు. అర్హులైన ప్రతి ఒక్కరు అంగన్వాడీ కేంద్రాలను సద్వినియోగం చేసుకోవాలని సూచించారు. అంగన్వాడి కేంద్రాల ద్వారా గర్భిణీలు, బాలింతలకు పౌష్టికాహారం తో పాటు చిన్నారులకు ఆటపాటలతో, క్రమశిక్షణతో కూడిన విజ్ఞానం అందుతుందన్నారు. గర్భిణీలు, బాలింతలు పోషకాలతో కూడిన పౌష్టికాహారాన్ని తీసుకోవడం వల్ల పుట్టబోయే, పుట్టిన బిడ్డలు ఆరోగ్యంగా ఉంటారన్నారు. ఈ కార్యక్రమంలో అంగన్వాడీ టీచర్లు సరిత, శోభా, పద్మ, ఆయాలు, తదితరులు పాల్గొన్నారు.