ఈ రోజుల్లో ప్రతి ఒక్కరూ ఎదుర్కొంటున్న సమస్య హెయిర్‌ ఫాలింగ్‌… సరైన జీవనశైలి లేకపోవడం, ఆహార నియమాలు లేకపోవడంతో జుట్టు రాలుతుంది. దీని నుంచి బయట పడేందుకు చాలా రకాల రెమెడీస్‌ ప్రయత్నిస్తూనే ఉంటారు. అందుకోసం ఆయిల్స్‌ ఉపయోగిస్తారు. కొన్ని రకాల హెయిర్‌ ప్యాక్‌లను కూడా ప్రయత్నించి ఉంటారు. జుట్టు పెరుగుదలకు, జుట్టు రాలకుండా ఉండేందుకు కరివేపాకును ఉపయోగించవచ్చు. దీనితో చేసే కొన్ని ప్యాక్స్‌ జుట్టు రాలే సమస్యను తగ్గిస్తాయి. అయితే దీన్ని ఎలా వాడాలో తెలుసుకుందాం..
రోజుకు 30 నుంచి 80 వెంట్రుకలు రాలడం సహజం. కానీ కొందరికి అధికంగా జుట్టురాలుతుంది. విపరీతమైన జుట్టు రాలడం చివరికి బట్టతలకి దారితీస్తుంది. ఈ సమస్య నుంచి బయటపడేందుకు కరివేపాకు చాలా ఉపయోగపడుతుంది. ఈ ఆకు వంట రుచిని పెంచడమే కాకుండా జుట్టుకు కూడా ఎంతో మేలు చేస్తుంది. తెలుసుకోవాలి.
మెంతికూరతో…
మెంతికూరను కరివేపాకుతో కలిపి జుట్టుకు పట్టించడం వల్ల అద్భుతమైన ఫలితాలు వస్తాయి. దీని కోసం ఒక గిన్నెలో ఉసిరికాయ రసం, మెంతి పేస్ట్‌ తీసుకోండి. దానికి కరివేపాకు రసం కలపండి. తర్వాత ఈ పేస్ట్‌ను జుట్టుకు పట్టించాలి. కాసేపటి తర్వాత కడుక్కోవాలి. ఇలా చేస్తే జుట్టు రాలడం, చుండ్రు సమస్య నుంచి బయటపడొచ్చు.
పెరుగుతో…
కరివేపాకును పెరుగుతో కలిపి జుట్టుకు పట్టించడం వల్ల మేలు జరుగుతుంది. ఈ రెండు పదార్థాలు జుట్టుకు చాలా మేలు చేస్తాయి. ఒక గిన్నెలో పెరుగు తీసుకుని అందులో కరివేపాకు కలపాలి. ఈ మిశ్రమాన్ని జుట్టుకు పట్టించాలి. ఈ హెయిర్‌ ప్యాక్‌ జుట్టు పెరిగేందుకు చాలా సాయపడుతుంది.
ఉల్లిపాయతో…
ఉల్లిపాయ జుట్టు రాలడాన్ని నివారిస్తుంది. జుట్టు రాలకుండా ఉండేందుకు చాలా మంది ఉల్లిపాయ రసాన్ని అప్లై చేస్తుంటారు. దానితో కరివేపాకు కలుపుకొంటే మంచి ఫలితం ఉంటుంది. ముందుగా కరివేపాకును రుబ్బుకోవాలి. తర్వాత ఉల్లిపాయ రసంతో కలపాలి. ఈ మిశ్రమాన్ని మీ జుట్టుకు పట్టించి 30 నిమిషాల పాటు అలాగే ఉంచి తర్వాత షాంపూతో తలస్నానం చేయాలి.
ఈ హెయిర్‌ ప్యాక్స్‌ వారానికి రెండు సార్లు ఉపయోగించాలి. జుట్టు రాలడం సమస్య తగ్గుతుంది. అంతేకాదు జుట్టు పెరుగుదల కూడా ఉంటుంది.
