ఈనెల 6న రిలీజ్‌ కావాల్సిన ‘రాక్షస కావ్యం’ సినిమా మరో వారం ఆలస్యంగా ఈనెల 13న ప్రేక్షకుల ముందుకు రానుందని మేకర్స్‌ తెలిపారు. సిల్వర్‌ స్క్రీన్‌ మీద ప్రేక్షకులకు సరికొత్త సినిమాటిక్‌ ఎక్స్‌పీరియన్స్‌ ఇచ్చేందుకు పోస్ట్‌ ప్రొడక్షన్‌లో మరింత క్వాలిటీ కోసమే సినిమాని ఈనెల 13న విడుదల చేస్తున్నామన్నారు.
అభరు నవీన్‌, అన్వేష్‌ మైఖేల్‌, పవన్‌ రమేష్‌, దయానంద్‌ రెడ్డి, కుశాలిని, రోహిణి ప్రధాన పాత్రల్లో నటించిన ఈ చిత్రాన్ని గరుడ ప్రొడక్షన్స్‌, పింగో పిక్చర్స్‌, సినీ వ్యాలీ మూవీస్‌ బ్యానర్స్‌పై దాము రెడ్డి, శింగనమల కల్యాణ్‌ నిర్మించారు. దీనికి దర్శకుడు శ్రీమాన్‌ కీర్తి. రా అండ్‌ రస్టిక్‌ మూవీగా ఇది ప్రేక్షకుల్లో మంచి క్రేజ్‌ తెచ్చుకుంది. ఈ సినిమా నుంచి రిలీజ్‌ చేసిన టీజర్‌, ట్రైలర్‌తో పాటు పాటలకు మంచి రెస్పాన్స్‌ వస్తోంది. అమ్మ పాట, విలన్స్‌ ఆంథమ్‌ పాటలు ఇన్‌స్టంట్‌ హిట్‌ అయ్యాయి. ట్రైలర్‌ రిలీజ్‌ చేసిన నిర్మాత దిల్‌ రాజు ఈ సినిమా ఇవాళ్టి ట్రెండ్‌కు కావాల్సిన సినిమా అంటూ అప్రిషియేట్‌ చేశారు. ఈ అంచనాలన్నీ ఈనెల 13న థియేటర్స్‌లో రీచ్‌ అవుతామని మూవీ టీమ్‌ నమ్మకంతో చెబుతోంది.
