సుడిగాలి సుధీర్‌ నటించిన తాజా చిత్రం ‘కాలింగ్‌ సహస్ర’. షాడో మీడియా ప్రొడక్షన్స్‌, రాధా ఆర్ట్స్‌ పతాకాలపై అరుణ్‌ విక్కిరాలా దర్శకత్వంలో విజేష్‌ తయాల్‌, చిరంజీవి పమిడి, వెంకటేశ్వర్లు కాటూరి ఈ సినిమాను నిర్మిస్తు న్నారు. సుధీర్‌ సరసన డాలీషా హీరోయిన్‌గా నటిస్తోంది. ఈ చిత్రాన్ని డిసెంబర్‌ 1న గ్రాండ్‌ రిలీజ్‌ చేస్తున్నారు. ఈ సందర్భంగా దర్శకుడు అరుణ్‌ విక్కిరాలా మీడియాతో ముచ్చటించారు.
సుధీర్‌ క్యారెక్టర్‌కి కనెక్ట్‌ అవుతారు
కాలింగ్‌ అనేది కంపెనీ పేరు. సహస్ర అనేది హీరోయిన్‌ పాత్ర పేరు. కాలింగ్‌ సహస్ర అనేది కథలోంచి పుట్టిందే. సినిమాకు సరిపోయే టైటిల్‌ అనే పెట్టాం. సుధీర్‌ను ఇంత వరకు కమెడియన్‌గా చూశాం. అయితే ఈ సినిమా స్టార్ట్‌ అయిన తరువాత పది నిమిషాలకు సుధీర్‌ అనే వ్యక్తిని మీరు మరిచిపోతారు. ఆయన పోషించే పాత్రలోకి వెళ్తారు. పాత్రతో కనెక్ట్‌ అవుతారు. ఇది ఓ ప్రయోగమే. మీ అందరికీ నచ్చుతుందని భావిస్తున్నాను.
ఫైట్‌ మాస్టర్‌ క్లాప్స్‌ కొట్టారు
ఈ చిత్రంలో సుధీర్‌తో పాటు శివ బాలాజీ పాత్ర, డాలీషా క్యారెక్టర్‌లకు మంచి పేరు వస్తుంది. డాలీషా ఓ ఫైట్‌ సీక్వెన్స్‌ కూడా చేసింది. ఆమె చేసిన తీరు చూసి ఫైట్‌ మాస్టర్‌ క్లాప్స్‌ కొట్టారు.
అడివిశేష్‌ చేయాలి..
‘గూఢచారి’ టైంలో అడివి శేష్‌కి ఈ కథ చెప్పాను. ఆయన చేయాల్సిన ఈ సినిమా మిస్‌ అయింది. నేను ఎన్నో యాడ్స్‌ చేశాను. కరోనా టైంలో పోలీసులకు ఎన్నో డాక్యుమెం టరీస్‌ చేశాను. త్రీ మంకీస్‌ సినిమాకు రైటర్‌గా పని చేశాను. త్రీ మంకీస్‌ కంటే ముందే ఈ కథ సుధీర్‌కి చెప్పాను. నాకు ఎందుకు ఈ కథ చెబుతున్నారు.. నేను సెట్‌ అవుతానా? అని సుధీర్‌ చాలా ఆలోచించారు. త్రీ మంకీస్‌ టైంలో మేం ఇంకా క్లోజ్‌ అయ్యాం. ఆ తరువాత ఈ కథ స్టార్ట్‌ చేశాం.
నిర్మాతల సపోర్ట్‌కి హ్యాట్సాఫ్‌
నిర్మాతలు ఎంతో సహకరించారు. వారు లేకపోతే ఈ సినిమా ఇక్కడి వరకు వచ్చేది కాదు. డిసెంబర్‌ 1న వస్తున్నామంటే దానికి కారణం కూడా వారే. వారికి హ్యాట్సాఫ్‌ చెప్పాల్సిందే. ఈ చిత్రంలో చాలా ట్విస్టులుంటాయి. ఆ ట్విస్టులు అందరికీ తెలిసినా కూడా థియేటర్‌కు వచ్చి చూస్తారు. ఇందులో మంచి ప్రేమ కథ కూడా ఉంటుంది. అయితే దీనిలో నేరుగా సందేశం ఇవ్వం. కానీ అంతర్లీనంగా ఓ మెసెజ్‌ ఉంటుంది.
ఆర్‌ఆర్‌ వెంటాడుతుంది
అద్భుతమైన పాటలు మోహిత్‌ ఇచ్చారు. ఆర్‌ఆర్‌ రాబిన్‌ ఇచ్చారు. ప్రేక్షకుల్ని ఆర్‌ఆర్‌ వెంటాడుతూ ఉంటుంది. ఈ సినిమాను ప్రతీ ఒక్కరూ చూడొచ్చు.
