నవతెలంగాణ – హైదరాబాద్‌: ఈ ఏడాది మే నెల (2023 మే) సెషన్‌కు సంబంధించిన డిపార్టుమెంటల్ పరీక్షలను తెలంగాణ పబ్లిక్‌ సర్వీస్‌ కమిషన్‌ (టీఎస్పీఎస్సీ) ఈ నెల 15 నుంచి నిర్వహించనుంది. ఈ మేరకు టీఎస్పీఎస్సీ ఒక ప్రెస్‌ నోట్‌ను రిలీజ్‌ చేసింది. ఈ నెల 15 నుంచి 24 వరకు పరీక్షలు జరుగుతాయని టీఎస్పీఎస్సీ తన ప్రకటనలో పేర్కొన్నది. సర్వే, లాంగ్వేజ్‌ పరీక్షలు మినహా మిగతా పరీక్షలన్నీ కంప్యూటర్‌ బేస్డ్‌ టెస్టు (సీబీటీ) విధానంలో, ఆ రెండు పరీక్షలు మాత్రం డిస్క్రిప్టివ్‌ విధానంలో జరుగుతాయని టీఎస్పీఎస్సీ స్పష్టంచేసింది. హెచ్ఎండీఏ పరిధిలోని రంగారెడ్డి జిల్లాతో కూడిన హైదరాబాద్‌ సహా తెలంగాణ రాష్ట్రంలోని మొత్తం 9 జిల్లా హెడ్‌ క్వార్టర్స్‌లో పరీక్షలను నిర్వహించనున్నట్లు పేర్కొంది. ఈ పరీక్షలకు దరఖాస్తు చేసుకున్న అభ్యర్థులు ఈ నెల 9వ తేదీ సాయంత్రం 5 గంటల నుంచి టీఎస్పీఎస్సీ అధికారిక వెబ్‌సైట్‌ (www.tspsc.gov.in) ద్వారా డౌన్‌లోడ్‌ చేసుకోవచ్చని పత్రికా ప్రకటనలో టీఎస్పీఎస్సీ స్పష్టం చేసింది. పరీక్షల అనంతరం కూడా ఈ హాల్‌ టికెట్‌లను జాగ్రత్తగా భద్రపర్చుకోవాలని సూచించింది. ఎట్టి పరిస్థితుల్లో డూప్లికేట్‌ హాల్‌టికెట్లను జారీచేయబోమని తెలిపింది. హాల్‌ టికెట్‌లను డౌన్‌లోడ్‌ చేయడంలో ఏమైనా సమస్యలు ఉంటే అభ్యర్థులు 040-22445566 ల్యాండ్‌లైన్‌ నెంబర్‌ ద్వారా హెల్ప్‌ డెస్క్‌ను సంప్రదించాలని టీఎస్పీఎస్సీ పేర్కొంది.
Related posts:
గ్రూప్ 1 ప్రిలిమ్స్ ప‌రీక్ష‌పై స్టే ఇచ్చేందుకు హైకోర్టు నిరాక‌ర‌ణ
టీఎస్పీఎస్సీ పేపర్ లీకేజీ కేసులో మరొకరు అరెస్టు
టీఎస్పీఎస్సీ పేపర్ లీకేజీ కేసులో మరో నలుగురి అరెస్ట్
టీఎస్పీఎస్సీ పేపరు లీకేజీ కేసులో మరో 13 మంది శాశ్వతంగా డిబార్
టీఎస్పీఎస్సీ పేపర్ లీకేజీ కేసులో మరొకరు అరెస్టు
టీఎస్పీఎస్సీ పేపర్ లీకేజీ కేసు..19 మంది అరెస్టు