తెలంగాణ యూనివర్సిటీ ఇన్‌ఛార్జి వైస్ ఛాన్సలర్ గా వాకాటి కరుణ..

తెలంగాణ యూనివర్సిటీ ఇన్ ఛార్జి వైస్ ఛాన్సలర్ గా ప్రస్తుత విద్యాశాఖ ప్రిన్సిపల్ సెక్రెటరీ, ఉన్నత విద్యాశాఖ ఇన్ ఛార్జి కమిషనర్, ఐఎఎస్ వాకాటి కరుణను నియమిస్తూ ప్రభుత్వం గురువారం రాత్రి నియామక ఉత్తర్వును జారీ చేసినట్లు శుక్రవారం యూనివర్సిటీ నుండి పత్రిక ప్రకటన విడుదల చేశారు. తెలంగాణ యూనివర్సిటీ చట్టం, 1991 (1991 చట్టం 4)లోని సెక్షన్ 12లోని సబ్-సెక్షన్ (3) కింద అందించబడిన అధికారాల అమలులో, తెలంగాణ రాష్ట్ర ప్రభుత్వం దాని ద్వారా  నియమించింది.కరుణా వాకాటి, ఐఎఎస్, ప్రభుత్వ కార్యదర్శి, విద్యా శాఖ, కాలేజియేట్ ఎడ్యుకేషన్ అండ్ టెక్నికల్ ఎడ్యుకేషన్ కమీషనర్, గా బాధ్యతలు నిర్వహిస్తున్నారు. తెలంగాణ యూనివర్సిటీ ఇన్‌ఛార్జ్ వైస్-ఛాన్సలర్‌గా తదుపరి ఉత్తర్వులు వెలువడే వరకు తక్షణమే అమలులోకి వస్తుందని గేజిట్ నోటిఫికేషన్ లో పేర్కొన్నారు.