సుగంధ ద్రవ్యాల్లో యాలకులు కూడా ఒకటి. వీటిని వంటల్లో మంచి సువాసన కోసం మాత్రమే కాదు… ఆరోగ్య పరంగా అందులో వున్న విలువలను శరీరానికి అందించేందుకు వేస్తుంటారు. ఈ యాలకులు చేసే ఉపయోగాలు కొన్నింటిని చూద్దాం.
– కొందరు కడుపు ఉబ్బరం తో బాధపడుతుంటారు. అలాంటి వారు యాలకులు పొడి చేసి, అర చెంచా పౌడర్‌ తీసుకొని చిన్న గ్లాసులో సగం నీళ్లు తీసుకుని ఉడకబెట్టాలి. ఆ నీటిని తాగితే కడుపు ఉబ్బరం తగ్గిపోతుంది.
– పిల్లలలో జలుబుకి యాలకులు మంచి ఔషధంగా చెప్పవచ్చు. నాలుగు లేదా ఐదు యాలకులు నిప్పులపై వేసి ఆ పొగను పీల్చినట్లయితే ముక్కు కారటం తగ్గుతుంది.
– అధిక సూర్యరశ్మిలో తిరిగినప్పుడు తేలికపాటి తల నొప్పి రావచ్చు. ఇందుకోసం, నాలుగు లేదా ఐదు యాలకులు చూర్ణం చేసి, వాటిని సగం టంబ్లర్‌ నీటిలో వేసి, కషాయా లను తయారు చేసి, కొద్దిగా తాటి జామ్‌ వేసి తాగాలి, వెంటనే మైకం తొలగిపోతుంది. ఎ డిప్రెషన్‌ ఉన్నవారు ‘యాలకుల టీ’ తాగితే సాధారణ స్థితికి వస్తారు. తక్కువ టీ పౌడర్‌, ఎక్కువ యాలకులు కలిపిన టీ తీసుకుంటే మనసుకు ఆహ్లాదం కలుగుతుంది. అయితే యాల కులు ఎక్కువగా నమలడం లేదంటే నోటిలో చాలా సమయం అలా గే ఉంచడం మంచిదికాదు.
