తమ పిల్లలు సురక్షితమైన వాతావరణంలో పెరగాలని ప్రతి తల్లిదండ్రులూ కోరుకుంటారు. అయితే దీనికోసం పిల్లలకు సరైన మార్గదర్శకత్వం చాలా అవసరం. వారు ఏ విషయాల పట్ల కలవర పడుతున్నారో తెలుసుకోవాలి. అది తెలుసుకోవడం అంత సులభం కాదు. అప్పుడే తల్లిదండ్రులు ఛాలెంజింగా తీసుకోవాలి. పిల్లల మనసులోని భయాలను రాబట్టడానికి, వారితో సంభాషించడానికి కొన్ని మార్గాలు ఉన్నాయంటున్నారు నిపుణులు. అవేంటో ఈరోజు తెలుసుకుందాం…
”నేడు పిల్లల బాల్యానికి సంబంధించిన నిర్వచనం రూపాంతరం చెందుతోంది. ఇకపై పిల్లలను అమాయకులుగా పరిగణించలేరని ప్రపంచవ్యాప్తంగా ఉన్న మనస్తత్వవేత్తలు అంటున్నారు. అందరి ఏకాభిప్రాయం ఏమిటంటే పిల్లలు చాలా విషయాల పట్ల ఆసక్తిగా ఉంటారు. ముఖ్యంగా పెద్దలు వారి వద్ద దాచి ఉంచడానికి ప్రయత్నించే విషయా గురించి తెలుసుకోవాలనుకుంటారు. అందుకే పిల్లలు వాటికోసం ఇంటర్నెంట్‌, స్నేహితులపై ఆధారపడే పరిస్థితి రాకముందే తల్లిదండ్రులు వారితో మాట్లాడాలి” అని మెర్లిన్‌వాండ్‌ పిల్లల పుస్తకాల రచయిత్రి నేహా జైన్‌ సలహా ఇస్తున్నారు. అయితే చెప్పే విషయాలను వారిని భయపెట్టకుండా, సులభంగా అర్థమయ్యే విధంగా ఉండాలని ఆమె అంటున్నారు.
సౌకర్యమైన స్థలం
టీనేజ్‌లోకి వస్తున్న పిల్లలతో ఆందోళన కలిగించే సంభాషణల గురించి మాట్లాడేటపుడు తగినంత సమయం కేటాయించుకోవాలి. వారికి బాగా పరిచయం ఉండి, ఇష్టపడే ప్రదేశంగా అది ఉండాలి. పిల్లలు నిద్రపోయే ముందు మాట్లాడకూడదు. ఒంటరిగా నిద్రపోయే పిల్లల విషయంలో మరింత జాగ్రత్తలు తీసుకోవాలి. మానసిక ఒత్తిడికి గురయ్యే అవకాశం ఉంటుంది. కాబట్టి ప్రశాంతమైన సమయం, స్థలం కేటాయించుకోవాలి.
సమాచారంతో సిద్ధంగా ఉండండి
తల్లిదండ్రులు తమకు తెలియని విషయాలను పిల్లలకు చెప్పకుండా వదిలేస్తారు. ఇది సరైనది కాదు. మీరు మాట్లాడే విషయాన్ని బట్టి వారికి ఎలాంటి సందేహాలు వస్తాయో గుర్తించి తగిన సమాచారంతో మాట్లాడడం మొదలుపెట్టాలి. ఓ పరిశోధన ప్రకారం 10 సంవత్సరాల కంటే తక్కువ వయసు ఉన్న పిల్లలు జంతువులతో బలమైన సంబంధాన్ని కలిగి ఉంటారు. వాటికి మానవ లక్షణాలను ఆపాదిస్తారు. అందువల్ల ఈ వయసు వారితో మాట్లాడేటపుడు జంతువుల బొమ్మలను ఉపయోగించడం మంచిది. యుక్తవయసులో ఉన్నవారు, యుక్తవయసు వారితో పసిపిల్లల మాదిరిగా మాట్లాడవద్దు. వయసుకి తగిన సమాచారాన్ని వారికి తప్పక ఇవ్వాలి.
నేరుగా చెప్పొద్దు
పిల్లలకు వాళ్ళు చేస్తున్న పొరపాట్ల గురించి చెప్పడానికి తల్లిదండ్రులు ఎప్పుడూ ఆత్రుత ఉంటుంది. అయితే పిల్లలు మీ మాటలు స్వీకరించ డానికి, గ్రహించడానికి మానసికంగా, మేధోపరంగా సిద్ధంగా ఉండాలని గుర్తుంచుకోండి. పిల్లలకి ఇప్పటికే తెలిసిన విషయాలు ఏమిటో గుర్తించండి. చెప్పే ముందు వారి అనుమతి అడగండి. చెప్పాల్సిన విషయాన్ని నేరుగా కాకుండా క్రమంగా సంభాషణలో చేర్చండి. ఇది మీ బిడ్డ పరిస్థితిని నియంత్రించడంలో సహాయపడుతుంది. వాళ్ళు అడిగే ప్రతి ప్రశ్నకు మీరు సమాధానం చెబుతారని, వారికి ఇష్టమైనపుడు సంభాషణను ముగించవచ్చని పిల్లలకు భరోసా ఇవ్వండి.
అంశాన్ని పరిచయం చేయండి
మాట్లాడే అంశంపై పిల్లల ప్రాథమిక జ్ఞానం, సంభాషణను కొనసాగించడంలో వారి నేర్పు ప్రదర్శించిన తర్వాత మీరు విషయాన్ని పరిచయం చేయవచ్చు. ముందు పిల్లలకు ఉన్న అపోహలను తొలగించండి. బెదిరింపు లేని రీతిలో సంభాషణను ప్రారంభించండి. చిన్న పిల్లలతో, వారికి ఇష్టమైన కార్టూన్‌ పాత్రలు, మృదువైన బొమ్మలు మూడవ వ్యక్తి కథను రూపొందించడానికి ఉపయోగించబడతాయి. పెద్ద పిల్లలతో అయితే ప్రత్యక్ష విధానం సరిపోతుంది.
ప్రశ్నలకు సమాధానం
వారికి వచ్చే ప్రశ్నలను పరిష్కరించడానికి సిద్ధంగా ఉండటం చాలా కీలకం. మీ భావనలను గ్రహించలేకపోతే పిల్లలను ఎగతాళి చేయొద్దు. వారి కోసం మీరు ఉన్నారని వారికి తెలియజేయండి. ప్రశ్నలకు సమాధానం ఇవ్వడం మీకు చాలా సంతోషమని వారికి అనిపించాలి. ఫలానా విషయం గురించి పిల్లలు ఎందుకు తెలుసుకోవాలో వారికి ముందే వివరించడం మంచిదని కొందరు నిపుణులు అంటున్నారు. కొన్ని సందర్భాల్లో, ప్రమాదం జరిగినప్పుడు తీసుకోవలసిన చర్యలపై వారికి కనీస అవగాహన కల్పించాలి. అదే సమయంలో వారిని రక్షించేందుకు మీరు అండగా ఉంటారని, వారు ఒంటరిగా ఎలాంటి ఇబ్బందులు ఎదుర్కోవాల్సిన అవసరం లేదని కూడా పిల్లలకు భరోసా ఇవ్వండి.
తక్కువగా మాట్లాడకండి
కొన్ని విషయాల గురించి తల్లిదండ్రులు పిల్లలతో ఆచితూచి మాట్లాడుతుంటారు. ముఖ్యంగా పెద్ద పిల్లల వద్ద. ఇది మంచి పద్దతి కాదంటున్నారు నిపుణులు. మీరు చెప్పాలనుకుంటున్న సమాచారం అర్థం చేసుకోగల సామర్థ్యం మీ బిడ్డకు ఉందని గుర్తించండి. వారి స్థాయికి దిగి, వారి అభిప్రాయాన్ని స్వీకరించి వారి అభిప్రాయాన్ని వినిపించమని ప్రోత్సహించడానికి ప్రయత్నించండి. అయితే వారితో మాట్లాడకుండా మాత్రం ఉండండి.
భావోద్వేగాలను ధృవీకరించండి
పిల్లలకు బాధాకరమైన వార్తలను తెలియజేయాల్సిన సందర్భాల్లో వారు దాని గురించి పూర్తిగా అనుభవాన్ని పొందకుండా జాగ్రత్త వహించాలి. ఇక్కడ పిల్లలు సెంటర్‌ స్టేజ్‌లో ఉన్నారని అర్థం చేసుకోండి. విచారంగా భావించడం సరైంది కాదని, దుఃఖానికి సమయ పరిమితి లేదని పిల్లలకు తెలియజేయండి. మరో మాటలో చెప్పాలంటే పిల్లల భావోద్వేగాలను ధృవీకరించండి. కష్టమైన అంశాల గురించి మీ పిల్లలతో మాట్లాడటం చాలా కష్టంగా ఉంటుంది. కానీ మీ ఉద్దేశాన్ని వదులుకోవద్దు. ఏ సమయంలోనైనా విషయాలు మీ చేతుల్లోకి వెళ్లినట్టు, పిల్లలు మానసికంగా ఇబ్బంది పడుతున్నట్టు మీకు అనిపిస్తే నిపుణుల సహాయం తీసుకోండి.
