ప్రముఖ డాన్స్‌ మాస్టర్‌ బందా గోపాల్‌ దర్శకత్వంలో పాన్‌ ఇండియా లెవెల్‌లో పలు భాషల్లో తెరకెక్కుతున్న చిత్రం ‘థగ్స్‌’. తెలుగులో ‘కోనసీమ థగ్స్‌’ పేరుతో విడుదల చేస్తున్నారు. రా యాక్షన్‌ ఫిల్మ్‌గా రూపొందుతున్న ఈ చిత్రాన్ని భారీ చిత్రాల నిర్మాత, డిస్ట్రిబ్యూటర్‌ శిబు తమీన్స్‌ కుమార్తె రియా షిబు హెచ్‌ ఆర్‌ పిక్చర్స్‌ బ్యానర్‌ పై సమర్పిస్తూ, జీయో స్టూడియోస్‌తో కలిసి నిర్మిస్తున్నారు. తమీన్స్‌ కుమారుడు హ్రిదు హరూన్‌ హీరోగా పరిచయం అవుతుండగా, సింహ, ఆర్‌కెసురేష్‌, మునిష్కంత్‌, శరత్‌ అప్పనీ, అనస్వర రాజన్‌ ముఖ్య పాత్రల్లో కనిపిస్తారు.
‘ఈ మధ్యన విడుదలైన ‘థగ్స్‌’ క్యారెక్టర్స్‌ ఇంట్రడక్షన్‌ వీడియో మంచి బజ్‌ క్రియేట్‌ చేసి, అందరి ప్రశంసలు అందుకుంది. ఆ వీడియో సినిమా పై అంచనాలు రెట్టింపు చేసింది. తాజాగా టీం చిత్ర ట్రైలర్‌ను ప్రేక్షకుల ముందుకు తీసుకొచ్చారు. డిజిటల్‌ ట్రైలర్‌ను విజరు సేతుపతి, దుల్కర్‌ సల్మాన్‌, ఆర్య, అనిరుధ్‌, కీర్తి సురేష్‌ విడుదల చేశారు. ఈ ‘కోనసీమ థగ్స్‌’ ట్రైలర్‌ వయోలెన్స్‌తో కూడిన ఒక ఇంటెన్స్‌ ఫిల్మ్‌ను ప్రేక్షకులకు పరిచయం చేసింది. కోనసీమ బ్యాక్‌ డ్రాప్‌లో జరిగే ఈ చిత్రం ప్రేక్షకులకు గ్రిప్పింగ్‌ ఎక్స్‌పీరియన్స్‌ ఇవ్వబోతోంది. ట్రైలర్‌లో హ్రిదు హరూన్‌, సింహ, ఆర్‌ కె సురేష్‌, మునిష్కంత్‌, అనస్వర రాజన్‌ పాత్రలు ఉత్కంఠ రేపేలా రివీల్‌ చేశారు దర్శకురాలు బంద. ట్రైలర్‌ కట్‌ అంచనాలను పెంచేలా ఉండి, సినిమా మీద మరింత ఆసక్తి రేకెత్తిస్తోంది. ఒక క్రూరమైన వాతావరణం ఉండే జైలు నుండి బయట పడేందుకు పాత్రలు వేసే ఎత్తులు, అందుకు అవసరమైతే ఎంత దూరమైనా వెళ్లేలా చేసే పరిస్థితులతో ఆడియెన్స్‌ను ఆద్యంతం ఉత్కంఠకు గురిచేసేలా ఉంది. ఈ చిత్రం తెలుగు, తమిళ, కన్నడ, హిందీ భాషలలో భారీ స్థాయిలో త్వరలోనే విడుదలకు సిద్ధం అవుతోంది’ అని చిత్ర బృందం తెలిపింది.
