నాడు పచ్చదనం ఒడిలో పరవశం
నేడు భూతాప తప్పిదాల వివశం
నాడు గలగలల నిండు సెలయేర్లు
నేడు నీరింకిన ఎడారి ఇసుక తిన్నెలు
నాడు శీతల మలయ మారుతాలు
నేడు కృత్రిమత్వపు విషపు గాలులు
నాడు ప్రకృతి సామ్రాజ్యానికి
రాజధానులై వెలసిన పల్లెవైభవాలు
నేడు బతుకు తెరువుకు తరలి
రిక్తమైన అన్నదాతల వ్యవసాయాలు
ఏవీ నాడు ధరణిపై నూరేళ్ళూ
వర్ధిల్లిన సాఫల్య బతుకు చిత్రాలు
నేడంతా కాలుష్య కోరల్లో విలవిల్లాడే
అకాలమృత్యు విధ్వంసక జీవనాలు
నాడన్నీ మట్టి తల్లి ఒడిలో పుట్టిన
సహజత్వాల మధుర పంటలు
నేడన్నీ విషరసాయనాలు కడుపులో
దాచుకుని పుట్టిన కృతక భక్ష్యాలు
పచ్చదనం పరిమళమై ఫరిడవిల్లాలంటే
కాలుష్యం కోరలు పెరికివేయక తప్పదు!
– భీమవరపు పురుషోత్తమ్‌, 9949800253
