पति ने बीवी को पढ़ा-लिखाकर बनाया SDM,मैडम ने होमगार्ड कमांडेंट से चलाया अफेयर, हस्बैंड ने दिखाए सबूत
Story- @varnitavajpayee pic.twitter.com/O5i7BwNIoL— CrimeTak.in (@CrimeTakBrand) June 22, 2023
నవతెలంగాణ – ఉత్తరప్రదేశ్‌
గవర్నమెంట్ ఉద్యోగం చేయాలనేది ఆమె కళ. అయితే అది పూర్తి కాకుండానే ఆమెకు వివాహం జరిగిపోయింది. అయితే అదృష్టం కొద్ది ఆమెకు అర్ధం చేసుకునే వ్యక్తి భర్తగా వచ్చాడు. తన భార్య కలను సాకారం చేసేందుకు రాత్రింబవళ్లు కష్టపడితే.. చివరికి కలలో ఊహించని షాక్‌ ఇ‍చ్చింది ఆ మహిళ. ప్రస్తుతం తన భార్య చేసిన మోసానికి లబోదిబో మంటూ ఆ భర్త గుండెలు బాదుకుంటున్నాడు. ఈ దారుణ ఘటన ఉత్తరప్రదేశ్‌లో చోటు చేసుకుంది. అలోక్ మౌర్య, జ్యోతి మౌర్య ఇద్దరు దంపతులు. అయితే మధ్యతరగతి కావడంతో వారిద్దరూ వివాహం తర్వాత ఆర్థికంగా కష్టనష్టాలను అనుభవించారు. ఏదో ఒకరకంగా బతుకు బండిని ముందుకు సాగిస్తూ వస్తున్నారు. అంతలో జ్యోతి మౌర్య తాను ప్రభుత్వ ఉద్యోగం చేయడం తన కల అని భర్తకు విన్నవించుకుంది. అయితే అలోక్ చేస్తోంది చిన్న ఉద్యోగమే కావడంతో ఇది అంత సులభం కాదని అతనికి తెలుసు. భార్య కలనే తన కల భావించి దాన్ని సాకారం చేసుకునే దిశగా ఆమెను ప్రోత్సహించాడు. అందుకు అలోక్ తనకు వీలైనంత సహాయం చేశాడు. ఈ క్రమంలోనే ఆమెను ప్రయాగ్‌రాజ్‌లోని మంచి కోచింగ్ సెంటర్‌లో చేర్పించి ఆమె లక్ష్యానికి చేరువయ్యేలా చేశాడు. ఎట్టకేలకు ఆమె 2016లో సబ్-డివిజనల్ మేజిస్ట్రేట్ గా ప్రభుత్వ ఉద్యోగం సాధించింది. ఆమె ఎప్పుడైతే ఉద్యోగం సాధిచిందో అప్పటి నుంచి ఆ భర్తకు కష్టాలు మొదలయ్యాయి.
ఓ రోజు వేరే ఉద్యోగితో చాటింగ్ చేయడాన్ని భర్త గమనించాడు. ఏంటని ప్రశ్నించగా.. మాములుగానే ఫ్రెండ్ షిప్ కొద్దీ మాట్లాడుతున్నాను అని తప్పించుకుంది. ఈసారి ఆ భర్త వాళ్లిద్దరినీ రెడ్ హ్యాండెడ్ గా పట్టుకున్నాడు. అప్పటి నుంచి ఆ భర్తను ఇద్దరూ కలిసి రివర్స్ లో బెదిరించడం ప్రారంభించారు. అతనిపై వరకట్న వేధింపుల కేసు నమోదు చేసి జైలుకు పంపారు. వచ్చిన తర్వాత అతని ఉద్యోగం కూడా పోయింది. ఆమెకు విడాకులు ఇవ్వకపోతే చంపేస్తామంటూ బెదిరిస్తున్నట్లు ఆ భర్త ఆరోపిస్తున్నాడు. ఈ మొత్తం విషయాలను జైలు నుంచి బయటకు వచ్చిన తర్వాత ఒక వీడియో రూపంలో వెల్లగక్కాడు. తన భార్య తనని ఈ విధంగా మోసం చేసిందని.. తనకు పోలీసులు, అధికారుల నుంచి కూడా ఎలాంటి సపోర్ట్ దొరకడం లేదంటూ చెప్పుకొచ్చాడు. ఈ వీడియో ప్రస్తుతం సోషల్ మీడియాలో వైరల్ గా మారింది. ఆ భర్త కష్టం మరెవరికీ రాకూడదు అంటూ కామెంట్ చేస్తున్నారు. భార్య కోరిక తీర్చాలనుకున్న ఆ భర్తకు ఎంత అన్యాయం జరిగింది అంటూ బాధ పడుతున్నారు.
Related posts:
టోల్ ప్లాజా వద్ద బస్సు బీభత్సం..సెక్యూరిటీ గార్డు మృతి
దండలు మార్చుకుంటుండగా..వరుడికి షాకిచ్చిన వధువు..!
చలానా విధించిన పోలీసులపై విద్యుత్ శాఖ లైన్‌మన్ ప్రతీకారం!
తొలిరాత్రే గుండెపోటుతో నవదంపతుల మృతి
జర్నలిస్టుపై మండిపడ్డ స్మృతి ఇరానీ… వీడియో షేర్ చేసిన కాంగ్రెస్
పెండ్లికొడుకుని చెట్టుకు కట్టేసి చితక్కొట్టి..!