నవతెలంగాణ – చెన్నై
రాష్ట్రవ్యాప్తంగా 500 టాస్మాక్‌ దుకాణాలు మూసివేస్తున్నట్లు రాష్ట్రప్రభుత్వం ప్రకటించింది. వాటిలో అధికంగా చెన్నై మండలంలో 138 దుకాణాలున్నాయి. ఈనెల 22న గురువారం నుంచే ఈ దుకాణాలు మూతబడనున్నాయి. ఏప్రిల్‌లో జరిగిన శాసనసభ సమావేశాల్లో ఎక్సైజ్‌శాఖ పద్దును ప్రవేశపెట్టిన ఆ శాఖ మంత్రి, రాష్ట్రంలో 500 మద్యం దుకాణాలు మూసివేయనున్నట్లు ప్రకటించిన విషయం తెలిసిందే. ఈ మేరకు రాష్ట్రంలోని 5,329 టాస్మాక్‌ మద్యం దుకాణాల్లో నిబంధనలకు విరుద్ధంగా పాఠశాలలు, కళాశాలలకు సమీపంలో ఉన్న దుకాణాలు, ప్రార్థనా స్థలాలకు సమీపంలో పున్న దుకాణాలు, ప్రజలు వ్యతిరేకిస్తున్న దుకాణాల జాబితా సిద్ధం చేయాలని ప్రభుత్వం ఉత్తర్వులు జారీ చేసింది. ఆ ప్రకారం, 500 దుకాణాలు గురువారం నుంచి మూతపడనున్నట్లు రాష్ట్రప్రభుత్వం ప్రకటించింది. వాటిలో కోవై మండలంలో 78, మదురై మండలంలో 125, సేలం మండలంలో 59, తిరుచ్చి మండలంలో 100 దుకాణాలున్నాయి. చెన్నై మండల పరిధిలోని చెన్నై జిల్లాలో 61, కాంచీపురంలో 31, తిరువళ్లూర్‌లో 46 దుకాణాలు మూతపడనున్నాయి. కాగా, మూతపడిన దుకాణాల్లో పని చేస్తున్న సిబ్బంది వేరే ప్రాంతాలకు బదిలీ చేస్తున్నట్లు ప్రభుత్వం ప్రకటించింది.
Related posts:
పట్టపగలు.. మున్సిపల్‌ కార్యాలయ ప్రాంగణంలోనే కత్తులతో పొడిచేశారు…
జమ్మూ-శ్రీనగర్ మార్గంలో లోయలో పడిన బస్సు…8మంది మృతి
మృతదేహంపై కూర్చుని అఘోరా పూజలు
ఎస్‌బీఐ కస్టమర్లకు బిగ్‌ అలర్ట్
45 రోజుల్లోగా రెజ్లింగ్ స‌మాఖ్య‌కు ఎన్నిక‌లు : యూడ‌బ్ల్యూడ‌బ్ల్యూ
ఇంజనీరింగ్ కళాశాలలో ఫుడ్‌ పాయిజన్‌..26మంది విద్యార్థులకు అస్వస్థత