– కల్వకుర్తి కాంగ్రెస్ అభ్యర్థి కసిరెడ్డి నారాయణరెడ్డి
– టాకురాజుగూడలో భారీ చేరికలు
– టాకురాజుగూడలో భారీ చేరికలు
నవతెలంగాణ-ఆమనగల్
కల్వకుర్తి నియోజకవర్గంలో రోజు రోజుకు కాంగ్రెస్ కు పెరుగుతున్న ప్రజాదరణతో పార్టీ నాయకులు రెట్టింపు ఉత్సాహంతో గెలుపే లక్ష్యంగా ముందుకు సాగుతున్నారు. ఆదివారం ఉదయం కడ్తాల్ మండలంలోని టాకురాజుగూడ గ్రామానికి చెందిన వివిధ పార్టీల నాయకులు, కార్యకర్తలు కాంగ్రెస్ మండల అధ్యక్షులు సబావత్ బిచ్యా నాయక్ ఆధ్వర్యంలో పెద్ద సంఖ్యలో కాంగ్రెస్ అభ్యర్థి కసిరెడ్డి నారాయణరెడ్డి, డీసీసీ అధికార ప్రతినిధి గూడూరు శ్రీనివాస్ రెడ్డి, ప్రధాన కార్యదర్శి బీక్యా నాయక్, బ్లాక్ కాంగ్రెస్ అధ్యక్షులు యాట నర్సింహ ముదిరాజ్, సింగిల్ విండో డైరెక్టర్ చేగూరి వెంకటేష్ తదితరుల సమక్షంలో పార్టీలో చేరారు. ఈసందర్భంగా కసిరెడ్డి నారాయణరెడ్డి మాట్లాడుతూ సోనియా గాంధీ ప్రకటించిన ఆరు గ్యారంటీ పథకాలకు మంచి స్పందన లభించిందని అందులో భాగంగానే నియోజకవర్గంలో ఉన్న ఆయా గ్రామాల ప్రజా ప్రతినిధులు, వివిధ పార్టీల నాయకులు, కార్యకర్తలు కాంగ్రెస్ లో చేరుతున్నారని అన్నారు. తనకు కాంగ్రెస్ టికెట్ కేటాయించిన నాటి నుంచి నిత్యం చేరికల పరంపర కొనసాగుతుందని ఆయన చెప్పుకొచ్చారు. ఈకార్యక్రమంలో మండల సీనియర్ నాయకులు హన్మా నాయక్, యాదగిరి రెడ్డి, జహంగీర్ అలి, శ్రీకాంత్ రెడ్డి తదితరులు పాల్గొన్నారు.