గతంలో పుస్తకాలు చదవడం ఓ అలవాటుగా ఉండేది. కానీ ఇప్పుడు చాలా మంది అవసరం కోసం మాత్రమే చదువుతున్నారు. ఉరుకుల పరుగుల జీవితం, మితిమీరిన స్మార్ట్‌ఫోన్‌ వాడకం వల్ల పుస్తకాలు చదివే వారి సంఖ్య చాలా వరకు తగ్గిపోయింది. అయితే చదవడం వల్ల జ్ఞానాన్ని పెంచుకోవడమే కాకుండా మంచి ఆరోగ్య ప్రయోజ నాలు కూడా ఉన్నాయి. పుస్తకాలు, నవలలు, వార్తాపత్రికలు… ఇలా ఏదో ఒకటి చదవడం వల్ల ఎన్నో ప్రయోజనాలు పొందవచ్చు. ముఖ్యంగా ఎక్కువ కాలం జీవించే అవకాశం ఉంటుంది. చదవడం వల్ల ఇంకా ఏమేమి ప్రయోజనాలు ఉన్నాయో తెలుసుకుందాం.
చురుకైన మెదడు : చదవడం వల్ల మెదడులోని వివిధ భాగాల మధ్య కొత్త కనెక్షన్లను పెంచుతుంది. 2013లో జరిగిన అధ్యయనం ప్రకారం నవలలు మెదడును చురుగ్గా చేస్తాయి. భాషపై పట్టు పెరుగుతుంది. రీడింగ్‌ మెదడులోని న్యూరాన్లను సష్టిస్తుందని న్యూయార్క్‌కు చెందిన క్లినికల్‌ సైకాలజిస్ట్‌ సబ్రినా రోమనోఫ్‌ చెప్పారు. ఈ ప్రక్రియను న్యూరోజెనిస్‌ అని పిలుస్తారు. న్యూరాన్లు మెదడులోని వివిధ ప్రాంతాలకు సందేశాలు పంపుతాయి. ఆలోచనలు పెరిగి, పరిశీలనాత్మక దష్టితో చూడటం వల్ల మెదడులో కొత్త న్యూరాన్లు పుడతాయని రోమనోఫ్‌ చెప్తున్నారు.
మతిపరుపు దూరం : జ్ఞానం అంటే గుర్తుంచుకోవడం, నిర్ణయాలు తీసుకోవడం, జడ్జిమెంట్‌ చేసే సామర్థ్యాన్ని కలిగి ఉండటం. చదవడం వల్ల మెదడు పనితీరు మెరుగవుతుంది. అంతేకాకుండా చదవడం వల్ల మతిమరుపు రావడానికి కూడా తక్కువ అవకాశం ఉందని తేలింది. చైనాలో నిర్వహించిన అధ్యయనం ప్రకారం ఐదేండ్ల కాలంలో 65 లేదా అంతకంటే ఎక్కువ వయసు గలవారిని ట్రాక్‌ చేశారు. పఠనం లాంటి మేథో కార్యకలపాల్లో పాల్గొనడం వల్ల కొన్నేండ్ల తర్వాత వచ్చే చిత్త వైకల్యం తక్కువగా ఉన్నట్టు వారు కనుగొన్నారు.
ఒత్తిడి మాయం : కేవలం 30 నిమిషాలు చదవడం వల్ల ఒత్తిడి, శారీరక మానసిక ఆందోళనలను తగ్గించవచ్చు అని పరిశోధనలో తేలింది. ఓ అధ్యయనం ప్రకారం గ్రాడ్యుయేట్‌ విద్యార్థులు చదవడం, హ్యూమరస్‌ వీడియోలు చూడటం వల్ల ఒత్తిడి స్థాయిలు తగ్గాయి. 30 నిమిషాలు వార్తా కథనాలను చదివిన విద్యార్థుల హదయ స్పందన రేటు, రక్తపోటు, ఒత్తిడి లాంటివి తగ్గాయని తేలింది. అయితే వార్తలు చదవడం అందరికి విశ్రాంతి ఇవ్వకపోవచ్చు. వాటి బదులుగా నవలలు, ఇతర కథలు చదవవచ్చు.
జీవన ప్రమాణం : మెదడు ఆరోగ్యాన్ని పఠనం మెరుగుపరుస్తుంది. ఇది దీర్ఘాయుష్షును పెంచుతుంది. మరో అధ్యయనంలో పుస్తకాలు చదవని వారితో పోలిస్తే చదివేవారిలో మరణ ప్రమాదం 20 శాతం తగ్గుతుందని తేలింది. పఠనం వల్ల ఆరోగ్యకరమైన జీవనశైలి ఏర్పడి త్వరగా చనిపోయే అవకాశాలను తగ్గిస్తోంది.
జ్ఞాపకశక్తి మెరుగుదల : చదువుతున్నప్పుడు మెదడులో దశ్యాలు ఏర్పడు తుంటాయి. అవి మెమరీ రీకాల్‌, జ్ఞాపకశక్తిని పెంచుతాయి. జ్ఞాపకశక్తి పెరగాలంటే రెగ్యలర్‌ రీడింగ్‌ అవసరమని రోమనోఫ్‌ చెప్పారు. 2013 అధ్యయనం ప్రకారం చదవడం, రాయడం వంటివి చేయని వారితో పోల్చితే అవి చేసే వారి జ్ఞాపకశక్తి పెరుగుతోందని గుర్తించారు. అందుకే చదువును మీ డైలీ హాబీగా మార్చుకోండి. మధ్యాహ్నం టైమ్‌లో లేదా నిద్రపోయే ముందు కనీసం ఓ అరగంట చదవడం మేలని డాక్టర్లు చెబుతున్నారు. ఆఫీసుకు వెళ్లేటప్పుడు ప్రయాణంలో పుస్తకాలు చదవండి. రోజూ ఉదయం వార్తలను చదవండి. మీకు ఆసక్తి ఉన్న అంశాల పుస్తకాలు ఎంచుకోండి. లైబ్రరీ కార్డు తీసుకోండి.
