అధికారిక అనుమతులు, ప్రభుత్వ నిబంధనల మేరకే మైనింగ్ చేస్తున్నామని వీర వైష్ణవి మైనింగ్ హోల్డర్ కుందూరు రత్నాకర్ రెడ్డి అన్నారు. ఏర్పాటు చేసిన విలేకరుల సమావేశంలో ఆయన మాట్లాడుతూ.. మండలంలోని గన్నారం – కొండూరు గ్రామాల పరిధిలోని గుట్టలోని సర్వే నెంబర్ 228, 808లో నాలుగు హెక్టార్ల విస్తీర్ణంలో బ్లాక్ గ్రానైట్ కోసం లీజుకు తీసుకున్నామని తెలిపారు. మైనింగ్ అధికారులు 2020 నుండి 2040 వరకు మైనింగ్ చేసుకోవడానికి అనుమతులు ఇచ్చారు అని ఆధారాలతో విన్నవించారు. కొంత మంది దుష్ట శక్తులు తమపై ఆరోపణలు చేయడం అనైతికం అన్నారు. మేము తప్పు చేస్తే నిరూపించాలి అని హెచ్చరించారు. మైనింగుకు సంబంధించిన ప్రతి అధికారిక అనుమతి ఉందని స్పష్టం చేశారు.