నవతెలంగాణ -హైదరాబాద్: అంతర్జాతీయంగా ప్రాచుర్యం ఉన్న ‘సోప్బాక్స్’ రేసులకు భాగ్యనగరం వేదిక కానుంది. 2024 ఇనార్బిట్ మాల్ వేదికగా మార్చిలో ఇక్కడ పోటీలు నిర్వహిస్తున్నట్లు నిర్వహణ సంస్థ రెడ్బుల్ ప్రకటించింది. నాన్ మోటరైజ్డ్ వాహనాల పోటీలతో ప్రేక్షకులకు వినోదం పంచడం దీని ఉద్దేశం. బ్రెజిల్లోని బ్రస్సెల్స్లో ఈ పోటీలను మొదటిసారి నిర్వహించగా ఇప్పటి వరకు 52 దేశాలు, 95 నగరాలకు ఇది విస్తరించింది. 2012, 2016లో ముంబయి వేదికగా పోటీలు జరగగా ఎనిమిదేళ్ల తర్వాత భారత్లో, హైదరాబాద్ నగరంలో తొలిసారిగా ఈ పోటీలు జరగనున్నాయి. ఈ పోటీల్లో పాల్గొనాలనుకునే వారికి ఇప్పటి నుంచే రిజిస్ట్రేషన్లకు ఆహ్వానం పలుకుతోంది. ఈ పోటీల్లో పాల్గొనేవారు చిన్న పరిమాణంలో నాన్ మోటరైజ్డ్ వాహనాలను రూపొందించుకోవాలి. ఆ వాహనాలకు బ్రేకింగ్ వ్యవస్థతో పాటు స్టీరింగ్ పటిష్టంగా ఏర్పాటు చేసుకోవాలి. వాహన తయారీలో వైవిధ్యం, సృజనాత్మకత కనిపించాలి. https://www.redbull.com/inen/events/red-bullsoapboxrace-india-2024 వెబ్సైట్ లింక్ ద్వారా వివరాలు నమోదు చేయాలి.