నవతెలంగాణ- హైదరాబాద్: ఆంధ్రప్రదేశ్‌ పశ్చిమ మధ్య బంగాళాఖాతంలో ఉపరితల ఆవర్తనం ఏర్పడిందని హైదరాబాద్ వాతావరణ కేంద్రం తెలిపింది. దీని ప్రభావంతో రాబోయే మూడు రోజులు రాష్ట్రంలో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని పేర్కొంది. బంగాళాఖాతంలో మయన్మార్‌, బంగ్లాదేశ్‌పైన మేఘాలు ఆవరించి ఉన్నాయని, ఆదివారం తెలుగు రాష్ట్రాల కదులుతున్నాయని చెప్పింది. వాటితో ఏపీ, తెలంగాణలో వర్షాలు కురిసే అవకాశాలున్నాయని పేర్కొంది. నల్లగొండ, హైదరాబాద్, యాదాద్రి-భువనగిరి, వికారాబాద్‌, మేడ్చల్‌ మల్కాజ్‌గిరి, సిద్దిపేట జిల్లాల్లో వర్షాలు కురిసే అవకాశం ఉన్న వాతావరణ శాఖ.. ఆయా జిల్లాలకు ఎల్లో అలెర్ట్‌ను జారీ చేసింది. శనివారం సాయంత్రం రాష్ట్రంలోని పలు చోట్ల వర్షం కురిసింది. నల్లగొండ జిల్లా ఘన్‌పూర్‌లో 71 మిల్లీ మీటర్లు, యాదాద్రి భువనగిరి జిల్లా నందనంలో 53 మిల్లీ మీటర్లు, ఖమ్మం జిల్లా లింగాలలో 43 మిల్లీ మీటర్లు, రావినూతల, తిమ్మారావుపేటలలో 42, మధిరలో 39, రంగారెడ్డి జిల్లా బోడకొండలో 39 మిల్లీ మీటర్ల వర్షాపాతం నమోదైందని చెప్పింది.
Related posts:
వీఆర్ఏల స‌ర్దుబాటు.. కొత్త‌గా 14,954 పోస్టులు మంజూరు
షాకింగ్ వీడియో.. మొసలికి ఆహారంగా మారిన క్రీడాకారుడు
ఆర్టీసీ కార్మికులు మాత్రమే విలీనం
సంక్షేమమే త‌ప్ప.. సంక్షోభం లేదు రాష్ట్రం తెలంగాణ: కేటీఆర్
టీఎస్ఆర్టీసీ బిల్లుకు గ‌వ‌ర్న‌ర్ ఆమోదం
పాటకు ప్రపంచ ప్రఖ్యాతి తెచ్చిన కళాకారుడు గద్దర్‌ : సీఎం కేసీఆర్‌