నవతెలంగాణ – బ్యూనస్ ఎయిర్స్: అర్జెంటీనా రాజధాని బ్యూనస్ ఎయిర్స్ హైవేపై వెళ్తున్న బస్సుకు ఉన్నట్టుండి ఆకస్మాత్తుగా బస్సు వెనుక భాగంలో మంటలు వ్యాపించాయి. అప్రమత్తమైన డ్రైవర్ దానిని రోడ్డు పక్కగా నిలిపాడు. దీంతో బస్సులోని ప్రయాణికులంతా బయటకు పరుగులుతీశారు. అనంతరం కొన్ని క్షణాల్లో ఆ బస్సు మంటల్లో కాలిపోయింది. ఈ వీడియో క్లిప్ సోషల్ మీడియాలో వైరల్ అయ్యింది. బుధవారం జనరల్ పాజ్ హైవే పలు వాహనాలతో రద్దీగా ఉన్నది. ఇంతలో ఒక డబుల్ బస్సు ఆ హైవేపై వెళ్తున్నది. అలాగే హైవేపై కూడా మంటలు వ్యాపించాయి. రెండు కార్లు ప్రమాదం నుంచి తృటిలో తప్పించుకున్నాయి. కొంత సేపటికి ఫైర్ సిబ్బంది అక్కడకు చేరుకున్నారు. మంటలను ఆర్పివేశారు.