– యువకుడిపై పోక్సో కేసు నమోదు
– పెద్దవంగర మండల పరిధిలో ఘటన
నవతెలంగాణ-పెద్దవంగర: అభం శుభం తెలియని ఓ మైనర్ బాలికపై ఓ యువకుడు లైంగిక దాడి యత్నానికి పాల్పడ్డాడు. ఈ సంఘటన మహబూబాబాద్ జిల్లా, పెద్దవంగర మండల పరిధిలోని ఓ గ్రామంలో ఆలస్యంగా వెలుగులోకి వచ్చింది. గ్రామానికి చెందిన ఓ యువకుడు అదే గ్రామానికి చెందిన పద్నాలుగు సంవత్సరాల మైనర్ బాలికపై కన్నేశాడు. ఈ క్రమంలో శనివారం సాయంత్రం ఒంటరిగా ఉన్న బాలికను అత్యాచారం చేసేందుకు ప్రయత్నించగా ఇంట్లో నుంచి కేకలు వినిపించాయి. దాంతో ఆమె తలుపులు బాధడంతో బాలిక తండ్రి తలుపులు తెరిచాడు. ఈ విషయాన్ని సదరు పాప తల్లిదండ్రులకు చెప్పడంతో వారు పెద్దవంగర పోలీసులకు ఫిర్యాదు చేశారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.