– పార్టీకి రాజీనామా చేసిన కార్పొరేటర్ రాసాల వెంకటేష్ యాదవ్
నవతెలంగాణ-బోడుప్పల్: అసెంబ్లీ ఎన్నికల వేల మేడ్చల్ జిల్లా మేడ్చల్ అసెంబ్లీ నియోజకవర్గంలో బీఆర్ఎస్ కు బిగ్ షాక్ తగిలింది. బోడుప్పల్ మునిసిపల్ కార్పోరేషన్ పరిధిలోని 23 వ డివిజన్ కార్పోరేటర్ రాసాల వెంకటేష్ యాదవ్ గురువారం నాడు బీఆర్ఎస్ పార్టీకి రాజీనామా చేశారు. కార్పోరేషన్ లో జరుగుతున్న అవినీతి అక్రమాలపై నిరంతరం పోరాటం చేస్తుంటే పాలకవర్గం నుండి మంత్రి నుండి ఏలాంటి స్పందన లేకపోవడంతో పాటు ప్రస్తుత ఎన్నికలలో బీఆర్ఎస్ పార్టీ నగర అధ్యక్షుడు ఏకపక్ష నిర్ణయాలతో విసిగి బీఆర్ఎస్ పార్టీ ప్రాథమిక సభ్యత్వానికి రాజీనామా చేస్తున్నాని రాజీనామా లేకను పార్టీ అధ్యక్షుడికి, మంత్రి మల్లారెడ్డికి పంపించినట్లు తెలిపారు. తన అనుచరులతో కలిసి చర్చించిన అనంతరం భవిష్యత్తు నిర్ణయం తీసుకుంటామని తెలిపారు.
అదే బాటలో మరికొందరు …..
రాసాల వెంకటేష్ యాదవ్ బీఆర్ఎస్ పార్టీకి రాజీనామా చేయడంతో ఆయనతో పాటే బోడుప్పల్ కార్పోరేషన్ కు చెందిన మరికొందరు బీఆర్ఎస్ పార్టీకి రాజీనామా చేసేందుకు సిద్ధమయ్యారని తెలుస్తుంది. వీరంతా రేవంత్ సమక్షంలో కాంగ్రెస్ గూటికి చేరుతారని సమాచారం..