న‌వ‌తెలంగాణ-శ్రీకాళహస్తి: శ్రీకాళహస్తిలో కొలువైన ముక్కంటి ఆలయంలో దర్శన వేళల్లో మార్పు చేశారు. కార్తీక మాసం సందర్భంగా శ్రీకాళహస్తిలో ప్రత్యేక పూజలు నిర్వహించనున్నారు. రేపటి నుంచి నెల రోజుల పాటు కోటి కుంకుమ బిల్వార్చన, తదితర పూజలు చేయనున్నారు. ఈ నేపథ్యంలో ఉదయం 4 గంటలకు ఆలయం తెరవనున్నారు. ఉదయం 5 గంటల నుంచి భక్తులకు సర్వదర్శనం కల్పించనున్నారు. రాత్రి 9 గంటల వరకు భక్తులకు దర్శనానికి అనుమతి ఉంటుందని ఆలయ ఈవో వెల్లడించారు.
