నవతెలంగాణ ముంబయి: శివసేన(ఉద్ధవ్ ఠాక్రే) ఎంపీ ప్రియాంకా చతుర్వేదిపై, శివసేన(శిందే వర్గం) ఎమ్మెల్యే సంజయ్ శిర్సత్‌ చేసిన అభ్యంతరకర వ్యాఖ్యలు దుమారం రేపుతున్నాయి. ఆదిత్య ఠాక్రే ఆమె అందాన్ని చూసే రాజ్యసభలో స్ధానం ఇచ్చారని సంజయ్ వివాదాస్పద వ్యాఖ్యలు చేశారు. ఈ వ్యాఖ్యలపై ప్రియాంక చతుర్వేది స్పందిస్తూ.. ‘ నేను ఎలా ఉన్నానో .. ఎక్కడ ఉన్నానో మీలాంటి వారు చెప్పాల్సిన అవసరం లేదు. మహిళలపై అనుచిత వ్యాఖ్యలు చేయడం తగదు. మీ వ్యాఖ్యలు మహిళల హుందాతనాన్ని దిగజార్చేలా ఉన్నాయి. వారి అభిప్రాయాలను గౌరవించండి’ అని ట్విట్‌ చేశారు. తర్వాత ఆదిత్య ఠాక్రే కూడా దీనిపై స్పందిస్తూ..‘వక్రబుద్ధితో ఆలోచిస్తున్నారు. ఇలాంటి నీచమైన మనస్తత్వం గల వ్యక్తులు ఎలా రాజకీయాల్లో ఉన్నారో నాకు అర్థం కావడం లేదు’ అని మండిపడ్డారు. అయితే, ఉద్ధవ్ ఠాక్రే వర్గానికి చెందిన మాజీ ఎంపీ చంద్రకాంత్ ఖైరే గతంలో ప్రియాంక చతుర్వేది గురించి తనతో అన్న మాటలనే తాను ఇప్పుడు చెప్పానని సంజయ్ వివరణ ఇచ్చారు. ప్రియాంక చతుర్వేది 2019లో కాంగ్రెస్‌ను వీడి మహారాష్ట్ర మాజీ సీఎం ఉద్ధవ్ ఠాక్రే నేతృత్వంలో శివసేనలో చేరారు.
Related posts:
కొత్తగా వేసిన రోడ్డును ఉత్తచేతులతో లేపిన గ్రామస్థులు…
జమ్మూ-శ్రీనగర్ మార్గంలో లోయలో పడిన బస్సు…8మంది మృతి
ఎస్‌బీఐ కస్టమర్లకు బిగ్‌ అలర్ట్
45 రోజుల్లోగా రెజ్లింగ్ స‌మాఖ్య‌కు ఎన్నిక‌లు : యూడ‌బ్ల్యూడ‌బ్ల్యూ
ఇంజనీరింగ్ కళాశాలలో ఫుడ్‌ పాయిజన్‌..26మంది విద్యార్థులకు అస్వస్థత
అర్చ‌కుల‌కు సీఎం కేసీఆర్ శుభ‌వార్త