నవతెలంగాణ – ముంబాయి: సినీ పరిశ్రమలో విషాదం చోటు చేసుకుంది. చాలా సినిమాల్లో విలన్‌గా నటించి, తనకంటూ ఓ ప్రత్యేక గుర్తింపు గడించిన కజాన్ ఖాన్ తుదిశ్వాస విడిచారు. కొంతకాలం నుంచి అనారోగ్య సమస్యలతో బాధపడుతున్న ఆయన.. జూన్ 12వ తేదీన (సోమవారం రాత్రి) గుండెపోటుతో మృతి చెందారు. ఈ విషయాన్ని ప్రముఖ నిర్మాత, ప్రొడక్షన్ కంట్రోలర్ ఎన్ఎమ్ బాదుషా సోషల్ మీడియా వేదికగా తెలిపారు. ‘‘ప్రముఖ విలన్ కజాన్ ఖాన్ గుండెపోటుతో మరణించారు’’ అంటూ ఆయన ఫేస్‌బుక్‌లో పోస్ట్ పెట్టాడు. సీఐడీ మూసా, వర్ణ పకిట్టు వంటి ఎన్నో సినిమాల్లో కజాన్ ఖాన్ నటించారని.. ఆయన మృతికి సంతాపం ప్రకటిస్తున్నానని తన పోస్టులో బాదుషా రాసుకొచ్చారు. కజాన్ ఖాన్ మరణవార్తతో ఇండస్ట్రీ దిగ్ర్భాంతికి గురయ్యింది. నటుడు దిలీప్‌తో పాటు ఇతర ప్రముఖులు ఆయన మృతి పట్ల సంతాపం తెలిపారు. అయన 1992లో వచ్చిన సెందమిళ్ పాట్టు సినిమాలో బూపతి పాత్రతో కజాన్ ఖాన్ తన సినీ ప్రస్థానాన్ని ప్రారంభించారు.
