బస్సు డ్రైవర్ సమయస్ఫూర్తితో తప్పిన ఘోర ప్రమాదం

నవతెలంగాణ- డిండి: బస్సు డ్రైవర్ సమయస్ఫూర్తితో గోర ప్రమాదం తప్పిన సంఘటన డిండి మండలంలో సోమవారం జరిగింది. ప్రత్యక్ష సాక్షుల ప్రకారం డిండి మండలం డిండి నుండి దేవరకొండ వెళుతున్న అచ్చంపేట డిపో ఆర్టీసీ బస్సు TS 31 Z 0033 నెంబర్ బస్సు బాపన్ కుంట దాటిన తర్వాత మూలమలుపు తిరుగుతుండగా ఎదురుగా వస్తున్న మోటార్ సైకిల్ ను తప్పించేందుకు బస్సు డ్రైవర్ బస్సును పక్కనే ఉన్న చెట్ల పొదలలోకి తీసుకెళ్లాడు. ఎదురుగా వస్తున్న మోటార్ సైకిల్ వ్యక్తి మూలమలుపు తిరుగుతున్న బస్సును చూసి వెంటనే బ్రేక్ వేగా సైకిల్ మోటార్ సైకిల్ అదుపు తప్పి కింద పడిపోయారు.  మోటార్ సైకిల్ పై ఉన్న స్త్రీ, ఇద్దరు బాబులకు స్వల్ప గాయాలయ్యాయి బస్సు డ్రైవర్ సమయస్ఫూర్తితో బస్సులు నడపడం వల్ల ఘోర ప్రమాదం తప్పిందని ప్రత్యక్ష సాక్షులు తెలిపారు.