రంగురంగుల సామానులు, శంఖాలు
గవ్వలు బండిమీద పెట్టుకుని చిరు వ్యాపారి
సముద్రపు ఎనిమోన్లు, షార్క్‌ తోకలు
తన నైపుణ్యాన్ని అంతా రంగరించి అరచి చెపుతూ
కొనుగోలు దారులను ఆకర్షించడానికి
ప్రయత్నం చేస్తున్నాడో చిరుతిళ్ళు అమ్మకందారు
రికామీ గా నడుస్తూ వెళుతున్న వృద్ధుల సమూహం
ఒకరిలో మరొకరిని పోగొట్టుకున్న యువ జంటలు
ఉత్సాహం ఉరకలెత్తే కాలేజీ పిల్లల గుంపులు
అందరూ ఒక ఆనిమేటెడ్‌ కబుర్లలో
అంతా ఒక్కసారిగా ఖాళీ తీరాన్ని
కాంతి పాదాల మేఘాలకు ఇచ్చేసి వెళ్లిపోయారు
సాయంత్రం షికారుకు వచ్చిన ఉల్లాస పక్షులు
తమకంతో గాలిలో గిరికీలు కొడుతున్నాయి
అసంఖ్యాకమైన చిన్ని పీతలు
తీరంలో ఎప్పటిలాగే జిత్తులమారి తనంతో
ఒడియా మూలం : శీతాకాంత్‌ మహాపాత్ర
తెలుగులోకి :వంశీకృష్ణ
