నవతెలంగాణ- కెనడా: కెనడాలో పంజాబీలో ఉన్న గ్యాంగ్స్టర్ను ఓ వెడ్డింగ్ రిసెప్షన్లో గుర్తు తెలియని వ్యక్తులు కాల్చి చంపారు. ఈ ఘటన వాంకోవర్ సిటీలో జరిగింది. గ్యాంగ్ వార్ వల్లే ఈ కాల్పుల ఘటన జరిగినట్లు అనుమానిస్తున్నారు. కెనడా పోలీసులు వాంటెడ్ జాబితాలో ఆ 28 ఏళ్ల వ్యక్తి ఉన్నాడు. గ్యాంగ్స్టర్ అమర్ప్రీత్ సమ్రాను ఫ్రేజర్ స్ట్రీట్ వద్ద షూట్ చేశారు. సమ్రాతో పాటు ఆయన సోదరుడు రవీందర్ కూడా గ్యాంగ్స్టరే. ఆ ఇద్దరికీ వెడ్డింగ్ రిసెప్షన్ ఆహ్వానం ఉంది. యూఎన్ గ్యాంగ్తో వాళ్లకు లింకులు ఉన్నాయి. గుర్తు తెలియని కొందరు వ్యక్తులు హాల్లోకి వచ్చి డీజీ మ్యూజిక్ ఆపేయాలని కోరారని, ఆ సమయంలో వేదిక వద్ద సుమారు 60 మంది అతిథులు ఉన్నట్లు తెలుస్తోంది. సౌత్ వాంకోవర్ బాంకెట్ హాల్ సమీపంలో ఓ వ్యక్తిని కాల్చివేసినట్లు పోలీసులకు సమాచారం వెళ్లింది. తీవ్ర రక్తస్రావం వల్ల ఆ వ్యక్తి ప్రాణాలు కోల్పోయాడు.