సుధీర్ బాబు నటిస్తున్న పాన్ ఇండియా చిత్రం ‘హరోం హర’. ది రివోల్ట్.. అనేది ట్యాగ్లైన్ ‘సెహరి’ ఫేమ్ జ్ఞానసాగర్ ద్వారక దర్శకుడు. ఎస్ఎస్సి (శ్రీ సుబ్రహ్మణ్యేశ్వర సినిమాస్) పతాకంపై సుమంత్ జి నాయుడు నిర్మిస్తున్నారు. తాజాగా ఈ చిత్రంలో హీరోయిన్గా నటిస్తున్న మాళవిక శర్మను దేవిగా పరిచయం చేస్తూ మేకర్స్ ఫస్ట్ లుక్ పోస్టర్ని రిలీజ్ చేశారు. సుబ్రమణ్య స్వామి ముందు నవ్వుతూ ఉన్న మాళవిక పోస్టర్ అందర్నీ ఆకట్టుకుంటోంది. ఈ సినిమాలో సునీల్ కీలక పాత్ర పోషిస్తుండగా, ఇటివలే రిలీజ్ చేసిన ఆయన క్యారెక్టర్ పోస్టర్కి కూడా మంచి రెస్పాన్స్ వచ్చింది. చిత్తూరు జిల్లా కుప్పంలో 1989 నాటి నేపథ్యంలో సాగే ఈ కథలో సుధీర్ బాబు కుప్పం యాసలో డైలాగులు పలకనున్నారు. ఈ సినిమా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది అని చిత్ర బృందం తెలిపింది.