జబర్దస్త్‌ ఫేమ్‌ గెటప్‌ శ్రీను ‘రాజు యాదవ్‌’ సినిమాతో హీరోగా ప్రేక్షకులకు పరిచయం అవుతున్నారు. కష్ణమాచారిని దర్శకునిగా పరిచయం చేస్తూ సాయి వరుణవి క్రియేషన్స్‌, చరిష్మా డ్రీమ్స్‌ ఎంటర్‌టైన్‌మెంట్‌ బ్యానర్‌లపై కె. ప్రశాంత్‌ రెడ్డి, రాజేష్‌ కల్లెపల్లి సంయుక్తంగా ఈ ప్రాజెక్ట్‌ను నిర్మిస్తున్నారు. ఇటీవల విడుదలైన ఈ సినిమా టీజర్‌కు అద్భుతమైన స్పందన లభించింది. చిత్ర యూనిట్‌ ఫస్ట్‌ సింగిల్‌ ‘రాజు యాదవ్‌ చూడు’ని విడుదల ద్వారా మ్యూజికల్‌ జర్నీ ప్రారంభిం చింది. డైరెక్టర్‌ బాబీ ఈ పాటని లాంచ్‌ చేశారు. హర్షవర్ధన్‌ రామేశ్వర్‌ మ్యాజికల్‌ మెలోడీని అందించగా, రామ్‌ మిరియాల తన అద్భుతమైన వాయిస్‌తో మరింత అందంగా ఆలపించారు. చంద్రబోస్‌ లిరిక్స్‌ ప్రత్యేక ఆకర్షణగా నిలిచాయి. హీరో తన ప్రేయసి అంకిత ఖరత్‌ పై తన ప్రేమను వ్యక్తపరుస్తున్నట్లు చాలా అందంగా ఈ అద్భుతమైన మెలోడీ ప్రజెంట్‌ చేస్తోంది. ఈ పాటలో విజువల్స్‌ చాలా ప్లజెంట్‌గా ఉన్నాయి. పాటకు ఇన్‌స్టంట్‌గా సూపర్‌ రెస్పాన్స్‌ లభించింది. లవ్‌, కామెడీతో పాటు సినిమాలో హదయాన్ని హత్తుకునే భావోద్వేగాలు కూడా ఉన్నాయి. ఈ చిత్రానికి సంబంధించి పోస్ట్‌ ప్రొడక్షన్‌ పూర్తి అయ్యింది. మేకర్స్‌ త్వరలో విడుదల తేదీని అనౌన్స్‌ చేస్తారు’ అని చిత్ర యూనిట్‌ చెప్పింది.
